ДОТООДЫН ЦЭРГИЙН АВАРГА ШАЛГАРУУЛАХ “ГАР БӨМБӨГ”-ИЙН ТЭМЦЭЭН ЗОХИОН БАЙГУУЛЛАА.
Цагдаа, Дотоодын цэргийн байгууллагын 2023 оны аварга шалгаруулах тэмцээнд оролцох алба хаагчдын бэлтгэлийг хангуулах, нийтийн биеийн тамир, спортыг сурталчлах, алба хаагчдын чөлөөт цагийг зөв боловсон өнгөрүүлэх, хөдөлгөөний дутагдлаас сэргийлэх, зорилгоор Дотоодын цэргийн штаб, анги, тусгай салбарын дунд "Гар бөмбөг"-ийн тэмцээнийг 2023 оны 11 дүгээр сарын 18-ны өдөр Дотоодын цэргийн 05 дугаар ангийн спорт зааланд зохион байгуулав.
Тус тэмцээний нийлбэр дүнгээр Дотоодын цэргийн 05 дугаар ангийн баг тамирчид шалгарч шилжин явах цомоор шагнагдсан ба шилдэг эрэгтэй тоглогчоор Дотоодын цэргийн штабын мэдээлэл хүлээн авагч, дэд ахлагч Г.Гантөр, шилдэг эмэгтэй тоглогчоор 805 дугаар ангийн салааны захирагч, дэслэгч Д.Оюун-Эрдэнэ нар тус тус шалгарч бусдыгаа манлайлан оролцлоо.
