Өнгөрсөн онд Боловсролын багц хууль батлагдсанаар Мэргэжлийн зэрэг олгох, хасах журам хүчингүй болж, тухайн жилд шалгуур хангасан багш нарт “Зөвлөх” мэргэшлийн зэрэг олгох шийдвэр баталгаажилгүй өдийг хүрсэн.
Үүнтэй холбоотойгоор журмуудыг шинэчлэн боловсруулж, хүчин төгөлдөр болсон тул багш нарт мэргэшлийн зэрэг болон холбогдох нэмэгдлийг 2024 оны есдүгээр сараас эхлэн нөхөж олгох юм.
Журмын төслүүдийг хуульд заасны дагуу олон нийтэд хэлэлцүүлж, холбогдох байгууллагуудаас саналыг аван боловсруулжээ. Шинэчилсэн журмуудад мэргэшлийн зэргийн хүчинтэй хугацааг хадгалах, зэргээ 2-3 удаа бататгасан тохиолдолд байнга хүчинтэйд тооцох, онцлох амжилт гаргавал хугацаанаас нь өмнө зэрэг олгох гэх мэт зохицуулалтыг тусгасан хэмээн Боловсролын яамнаас мэдээллээ.
