Либертари намын дарга Д.Амартүвшин “Энэ эрх мэдлийн донтон хуралдаа сууж ажлаа хийхгүй байж сонгууль болохоор л олон юм яриал нээх ажил хийх гэж байгаа хүн болоод л гараад ирэх юм!” гэж УИХ-ын гишүүн Х.Баттулгыг шүүмжлэв.
УИХ-ын Тамгын газраас өнгөрсөн наймдугаар сард зарласан ээлжит бус чуулганы хуралдаанд оролцсон УИХ-ын гишүүдийн ирцийн мэдээллийг ил болгоход УИХ-ын гишүүн Х.Баттулга хамгийн олон удаа хуралдаандаа оролцоогүй таван гишүүний тоонд орсон. Дээрх таван гишүүнд цалин олгохгүй гэдгээ ч УИХ-ын Тамгын газраас мэдэгдэж байв.
Х.Баттулга гишүүний хувьд өмнө нь хоёр ч удаа УИХ-д сонгогдож байсан. Тэр бүрт чуулганы хуралдаанд тааллаараа оролцож ирсэн. Энэ тухай УИХ-ын гишүүн асан, Хууль зүй дотоод хэргийн сайд асан Ц.Нямдорж “Х.Баттулга чи мөнгө нэхэх болохоор л чуулган, Засгийн газрын хуралдаанд суудаг. Бусад үед Баянголдоо хэвтэж байдаг шүү” гэж загнаж байсан удаатай.
НИТХ-ын сонгуульд Ардчилсан намаас өрсөлдөх багт УИХ-ын гишүүн Х.Баттулгын хүмүүс олноороо нэр дэвшсэн. Тэднийг гаргаж ирэхийн тулд 30 мянган төгрөгийн үнэтэй дугуйланд хүүхэд бүрийг хамруулах хөгжлийн карт хуулийн төслийг УИХ-аар батлуулна гэх амлалт өгөөд буй ч уг төсөл нь УИХ-д өргөн баригдаагүй байгаа юм.