АНУ-ын Ерөнхийлөгчөөр сонгогдсон Дональд Трамп даваа гарагт албан тушаалаа хүлээж авмагцаа уг аппликейшнийг түр хойшлуулах тушаал гаргана гэж мэдэгдсэний дараа TikTok АНУ-ын 170 сая хэрэглэгчдэдээ үйлчилгээгээ сэргээж байна.

Бямба гарагийн орой Хятадын эзэмшилд байдаг уг аппликейшнийг үндэсний аюулгүй байдлын үүднээс хориглосон хууль хэрэгжиж эхэлснээс хойш Америкийн хэрэглэгчдэд үйлчлэхээ больжээ.

Өмнө нь уг платформыг хориглохыг дэмжиж байсан Трамп ням гарагт хуулийн хэрэгжилтийг хойшлуулж, хэлэлцээр хийхэд илүү хугацаа олгоно гэж амласан. Дараа нь TikTok "үйлчилгээг сэргээх" шатандаа байгаа гэж мэдэгдэв.

Удалгүй уг програм дахин ажиллаж эхэлсэн бөгөөд олон сая хэрэглэгчдэдээ Трампын нэрээр талархал илэрхийлсэн попап мессеж гарчээ. Мэдэгдэлд тус компани ирэх ерөнхийлөгчдөө "шаардлагатай ойлгомжтой, баталгааг өгсөнд" талархал илэрхийлж, "ТикТокыг АНУ-д байлгах урт хугацааны шийдэл дээр" Трамптай хамтран ажиллахаа мэдэгдэв.