Монгол сүмоч Ичиножёо буюу Алтанхуягийн Ичинноров нурууны архаг гэмтлийн улмаас өнөөдөр өглөө зодог тайлж буйгаа зарлалаа. Өдгөө 30 настай түүний хувьд хамгийн дээд цол нь сэкивакэ. Нийт 55 башёд барилдахдаа 408 удаа давж, 328 удаа унасан.
А.Ичинноров дээд зиндаанд 1, жюүрёод 2 удаа түрүүлж, 6 тусгай шагнал хүртснээс гадна өдгөө барилдаж буй сүмочдоос хамгийн их 9 кинбоши шагнал (Харүмафүжи 2, Хакүхо 1, Какүрюү 2, Кисэносато 3, Тэрүнофүжи 1) гардсан юм.
