1. Азийн орнууд "Гал морин" жилээ угтлаа

Ази тивийн улс орнууд билгийн тооллын шинэ жилээ ёслол төгөлдөр тэмдэглэн өнгөрүүллээ.

• Хятад улс: Бээжинд роботууд оролцсон сонирхолтой үзүүлбэрүүд үзүүлж, Unitree Robotics-ийн хүн дүрст роботууд тулааны урлагийн гайхамшгийг сонирхуулав.

• Вьетнам & Тайвань: Тэт баяр болон хонхны дуугаар шинэ оноо угтаж, 12 жилийн зурхайн Гал морин жилээ албан ёсоор эхлүүллээ.

2. "AI Impact Summit" Дели хотноо болов

Хиймэл оюуны салбарын дэлхийн хамгийн том цугларалт Энэтхэгт боллоо. Уулзалтад 100 орны төлөөлөгчид, НҮБ-ын Ерөнхий нарийн бичгийн дарга болон технологийн аваргууд (Билл Гейтс, Сэм Альтман, Сундар Пичаи нарын) оролцов.

Зорилго: Технологийн ололтыг зөвхөн баян орнуудад бус, Дэлхийн Өмнөд тал бөмбөрцгийн орнуудад тэгш хүртээмжтэй түгээх.

3. АНУ болон Ираны шууд бус хэлэлцээ

Женев хотноо Ираны цөмийн хөтөлбөрийн асуудлаарх яриа хэлэлцээний хоёр дахь үе шат боллоо.

• Ираны байр суурь: Уран баяжуулалтаа 3-5 жил зогсоох боломжтой ч банк, санхүүгийн хоригийг цуцлахыг шаардав.

• АНУ-ын хариу: Хэлэлцээний хажуугаар Персийн булан руу нисэх онгоц тээгч хөлөг онгоцуудаа илгээж, цэргийн сүр хүчээ үзүүллээ.

4. Орос-Украины дайныг зогсоох "Женевийн уулзалт"

Хоёрдугаар сарын 17, 18-нд болсон гурван талт уулзалтаар гал зогсоох механизмыг хянах асуудалд ахиц гарсан байна. Гэвч газар нутгийн маргаантай асуудлаар талууд нэгдсэн шийдэлд хүрээгүй хэвээр байна.

5. Т.Санаэ Японы Ерөнхий сайдаар дахин томилогдов

Японы Либерал ардчилсан нам сонгуульд үнэмлэхүй ялалт байгуулж, парламентад суудлынхаа тоог 316 болгон нэмэгдүүлснээр Такаичи Санаэ Ерөнхий сайдын албан тушаалаа баталгаажууллаа.

6. Д.Трамп "Энхийн зөвлөл"-ийг хуралдууллаа

АНУ-ын Ерөнхийлөгч Д.Трамп Газын зурвасыг сэргээн босгох зорилготой Энхийн зөвлөлийн анхны хурлаа хийв.

• Санхүүжилт: Гишүүн орнууд 7 тэрбум, АНУ 10 тэрбум ам.доллар тусламж үзүүлэхээр болов.

• Аюулгүй байдал: Индонез, Марокко зэрэг орнууд энх тайвныг сахиулах цэргээ илгээхээ амлажээ.

7. Өмнөд Солонгосын Ерөнхийлөгч асан Юн Сог Ёльд ял оноов

2024 оны 12 дугаар сард онц байдал зарлаж, "бослого зохион байгуулсан" хэрэгт буруутгагдаад байсан Юн Сог Ёльд Сөүл хотын шүүхээс бүх насаар нь хорих ял оноолоо.

Ирэх долоо хоногийн онцлох үйл явдлууд: