Цаг уур, орчны шинжилгээний газрын мэдээлснээр 10-р сарын 20–27-ны хооронд баруун, төв, говийн аймгуудын нутгаар их хэмжээний хур тунадас орох төлөвтэй байна. Сарын 27-нд нутгийн зүүн хэсгээр нойтон цас, цас орж, цасан шуурга шуурна.
Өнөөдөр Хэнтийн уулархаг нутаг, Хэрлэн голын сав газраар хур тунадас орно. Сарын 21-нд баруун аймгуудын баруун хэсэг, 22-нд баруун болон төвийн аймгуудын зарим нутаг, 25-нд Хангайн уулархаг нутгаар хур тунадас орох төлөвтэй.
Сарын 23–24-нд говь, тал хээрийн нутгаар салхи түр зуур секундэд 16–18 метр хүрч ширүүснэ.
Шөнөдөө Даркадын хотгор болон Завхан, Заг, Байдраг голын эхээр 20–25 хэм хүйтэн байна. Говийн хойд хэсгээр 4–9 хэм, бусад нутгаар 8–13 хэм хүйтэн байх төлөвтэй. Өдөртөө ихэнх нутгаар 3 хэм хүйтнээс 2 хэм дулаан, өмнөд говиор 5–10 хэм дулаан байна.
