C.Сэтгүүлч
Ангилал
Хэзээ
4 цагийн өмнө
Үсгийн хэмжээ
Хиймэл оюун, худал мэдээллийн эрин үед Орос, Монголын сэтгүүлчид хамтран ажиллахаар ярилцлаа
4 цагийн өмнө
C.Сэтгүүлч
Хиймэл оюун, худал мэдээллийн эрин үед Орос, Монголын сэтгүүлчид хамтран ажиллахаар ярилцлаа
Улаанбаатарт анхны Орос–Монголын медиа форум боллоо: Элчин сайд Евсиков сэтгүүлчдийн шууд харилцааг сэргээхийг уриаллаа

Орос, Монголын сэтгүүлчид өчигдөр буюу 11 дүгээр сарын 19-нд Улаанбаатарт анх удаа медиа форумаар уулзлаа. Форумд хоёр орны 70 гаруй сэтгүүлч, хэвлэл мэдээллийн удирдлага, шинжээч оролцов. ОХУ-аас Монгол Улсад суугаа Элчин сайд Алексей Евсиков сэтгүүлчдийн хоорондын шууд яриа хэлэлцээг хойшлуулах шалтгаан байхгүй гэж онцоллоо.

ОХУ-ын төрийн мэдээллийн агентлаг Sputnik болон Засгийн газрын албан ёсны «Российская газета» сонин ингэж мэдээлэв. Форумыг Sputnik агентлаг, радио, ОХУ-ын Цахим хөгжил, холбоо, хэвлэл мэдээллийн яам, Монголын сэтгүүлчдийн нэгдсэн эвлэл хамтран зохион байгуулжээ. Хэлэлцүүлэг хэвлэл мэдээллийн салбарын чиг хандлага, хоёр орны редакцуудын хамтын ажиллагаанд төвлөрсөн байна.

Нээлтэд Элчин сайд А.Евсиков үг хэлэв. Мөн Монгол Улсын Гадаад харилцааны яамны хэвлэлийн төлөөлөгч Нямдаваа, Цахим хөгжил, инновац, харилцаа холбооны яамны Төрийн нарийн бичгийн дарга Золбаяр, ОХУ-ын Цахим хөгжлийн яамны хэвлэл, номын салбарыг дэмжих газрын албан тушаалтан Михаил Арзаманов нар үг хэлжээ.

Элчин сайд Евсиковын хэлснээр хоёр орны сэтгүүлчдийн тогтмол харилцааг сэргээх хэрэгцээ улам нэмэгдэж байна. Тиймээс хамтарсан ярилцлага, пресс-аялал, дадлага зохион байгуулж, контент солилцох суваг бий болгох шаардлагатай. Мөн монгол, орос хэл мэддэг медиа мэргэжилтэн бэлтгэхийг тэрээр чухалчилсан байна. «Российская газета»-гийн мэдээлснээр М.Арзаманов хэвлэл мэдээлэл Орос–Монголын түншлэлийг хөгжүүлэх гол түлхүүр байх ёстой гэжээ. Энэ форумаас сонирхолтой төслүүд төрж магадгүй гэж тэр нэмж хэлсэн байна.

Монголын сэтгүүлчдийн нэгдсэн эвлэлийн ерөнхийлөгч Л.Нинжжамц монгол сэтгүүлчдэд олон талаас, бодитой мэдээлэхийн тулд илүү олон эх сурвалж хэрэгтэй гэлээ. Хиймэл оюун хэвлэл мэдээлэлд нэвтэрч, худал мэдээлэлтэй тэмцэх улам хүндэрч буй өнөө үед энэ нь бүр ч чухал болсныг тэр онцолжээ. Форумд Монгол Улсын Ерөнхийлөгч асан Н.Энхбаяр тусгай зочноор оролцов. Тэрээр уг форум сэтгүүлчдийн харилцан ойлголцол, мэргэжлийн хэлхээ холбоог тэлэх боломж олгож байна гэж дүгнэсэн байна.

Sputnik-ийн дарга, Russia Today олон улсын медиа группийн ерөнхий редакторын орлогч Ольга Лисогор асуудлыг илүү шулуухан хөндөв. Тэрээр «Харамсалтай нь, Орос, Монгол хоёр бие биеийнхээ тухай мэдээллийг ихэвчлэн зуучлагчаар дамжуулан авдаг» гэлээ. Шууд яриа хэлэлцээ хэрэгтэй бөгөөд энэ форум түүний төлөөх алхам гэж тэр онцолжээ. «Российская газета» мөн монголчууд Оросын тухай ихэвчлэн Барууны хэвлэл мэдээллээс мэддэг, харин Оросын хэвлэл Монголын тухай бага бичдэг гэж тэмдэглэсэн байна.

Сонины мэдээлснээр Орос, Монголын худалдаа сүүлийн таван жилд 1.5 дахин өссөн. 2026 онд хоёр орны дипломат харилцаа тогтоосны 105 жилийн ой тохиож байна. Форумын оролцогчид хэвлэл мэдээллийн ирээдүйтэй формат гэж босоо видеог нэрлэжээ. Үүнд хиймэл оюунаар бүтээсэн видео ч багтаж байна.

 

Энэ мэдээнд таны өгөх сэтгэгдэл
0
0
0
0
0
0
0
0
Зөв
Зөв
Тэнэглэл
Тэнэглэл
Харамсалтай
Харамсалтай
Савж уналаа
Савж уналаа
Буруу
Буруу
Хөөрхөн юм
Хөөрхөн юм
Гайхмаар
Гайхмаар
Бахархмаар
Бахархмаар
Шинэ мэдээ
Онцлох мэдээ
© 2026 Нийслэлийн мэдээ
Үндсэн цэс
Бусад цэс